Tun lai khawvelah chuan miin sumdawnna an kalpui fuh chuan, kum naupangte ni chungin hlawhtlinna ropui tak an chang thei. India mi Pranjali Awasthi pawh hi chu tiang zinga mi chu a ni a, kum 16 mi chauh niin vaibelchhe 100 zeta hlu company a din hem mai. 

He India hmeichhe naupang chhuanawm tak hian kum 11 mi a nihin US a pan a, kum 15 a nihin Artificial Intelligence (AI) company a din. A company hming hi 'Delv.AI' tih a ni a, Artificial Intelligence service hrang hrang a kalpui. Research atana data lakkhawm leh Artificial Intelligence hmanga data hrang hrang khawn khawmte a kalpui a ni.  

A firm-ah hian hnathawktu mi 10 chuauh a chhawr a, mihring tam lo mah se an company hlutna erawh a sang veng veng hle. A company hi January 2022-a din chauh kha ni mah se tuna a hlutna chu vaibelchhe 100 a kai chho der tawh a ni. A pa hi computer engineer a ni a, apa hnen atang hian kum 7 mi lek a nih atangin thil a zir cho a, kum rei lote chhungin thil tam tam tak a zir chhuak a ni.  

India atangin Florida a pan a, he hmunah hian kum hnih chhung Mathematics leh Computer Science a zir a, Florida Internal University-ah intership a tizui. He hmunah hian research hrang hrang tiin data a la khawm thin a, a eizawnna tur company din tura a rahbi pawimawh tak a lo ni ta a ni. 

Delv.AI hi beta version a siam a, he platform-ah hian software a thlawnin a inthawn theih a ni.