DOWNLOAD OUR APP

Read latest news on your phone
app-store

VC inthlang thei lo term pawt sei, Eptute chungah sawrkar lawm

Apr 18, 2015

VC inthlang thei lo term pawt sei, Eptute chungah sawrkar lawm

Aizawl; Home Minister R.Lalzirliana chuan, April ni 30 a Village Council thlang ve thei lo tur khaw 30-a VC member te chu inthlanna an neih theih hma chu an term pawh sei sak an nih tur thu Zalen a hrilh. Zalen zawhna chhangin Zira chuan, ‘Aizawl District huam chhunga khaw 24 leh Kolasib District a khaw 6-ah VC/LC inthlanna neih a ni ve dawn lo a ni,’ tiin a sawi. Inthlanna neih a nih dawn loh avangin VC nilaite chu sorkarin in thlanna a buatsaih sak hma chu an mawhphurhna lo chelhtir an nih hrih thu a sawi. Minister chuan, HPC(D) te chet dan dema dan pawna hnawl tura Opposition party ten lung rual taka sorkar an thlawp chu lawm awm a tih thu sawiin,'Thawhhona tha neih a tan lak a hun lai taka opposition party ten hetiang rilru an pu hi thil lawmawm tak a ni' a ti. Zira chuan, HPC(D) te nen sorkar anga inbiak na neih an tum loh thu Zalen a hrilh a. Home Minister chuan, inremna nei tura HPC (D) hotupa Sangbera biak tuma Silchar lama an naute an tirh hnu lawk kar 2 hnu vela rawng taka an chet zui tak avangin rin ngam chi nia an ngaih tawh loh thu a sawi a,'tun dinhmunah chuan sorkar angin an ni hi biak tumna kan nei lo a, an phu tawk ang pek kan tum a ni' tiin ZALEN a hrilh.
Share now