Aizawl: Rorellai Congress party chuan MNF Party chu Village Council leh Local Council result ah lawmna chhan tur an nei lo tiin an party erawh chuan hma an sawn vangin mipuiin Congress ah rinna an la nghat tih a lantir niin an sawi. MPCC Media Department chuan VC & LC thlan dawnah MNF party chuan zu hmangin mipui nasa takin an fuihpawrh niin an sawi a. MPCC Media Department chairman James Thanghmingmawia chuan, “Zu zawrh hi mipuiin engah vak an ngai lo tih VC leh LC result atang hian a hriat a. Zu hian min tibuai lo thuaiin a rinawm a ni,” a ti. School tan hma chungchangah harsatna siam pawl an la awm chu pawi an ti tak zet tih an sawi a. Sum harsat chhan chu Central in state te hnena sum pek dan a tih danglam vang nia sawiin hmarchhak state 8-a Chief Minister te chuan May thla hian Prime Minister hmuh an tum niin an sawi. HPC(D) ten tun hnaia mi an lambun thuah a lem (fake encounter) ang leh helte nena inzawm anga puhna chu chhangin Congress chuan hel a thawhpui ngai lo a, MNF te’n an thawhpui zawk niin an sawi bawk.