ZALEN Sept. 26, 2024; Venghlui Branch YMA in thuchhuah siamin, Durtlang Leitan a buaina thlenga an member inhnamhnawih chungah hma an la dawn tih an tarlang.

An thuchhuaha an tarlan danin, September ni 21, 2024 zana Durtlang Leitan a buaina thlengah an Branch member pakhat, Sailianpuia Sailo s/o Lalremruata Sailo (L) a lo inhnamhnawih avangin Venghlui Branch YMA chuan pawi an tiin zahthlak an ti hle a. Tharum thawhna avanga pawisawi lo 

hliam tuar tu Dr. Laldinliana Sailo s/o Lalhmangaiha Sailo, Zemabawk North, Dr. Rinngheta Renthlei s/o Dr. RL Sanghluna, Durtlang leh Lalthlamuana s/o P.L. Ropara, Durtlang Mel-5 te chunga an member chet dan pawi an tiin an tawrhpui tak zet a ni.

Hliamtuar te leh an chhungte chungah thupha an chawi a, dam leh thuai tur in duhsakna an hlan bawk.

Pawisawi lo te chunga tharum thawhna thleng hi Venghlui Branch YMA chuan na tak 

in an dem a. Hetiang thil duhawm lo hi a thlen nawn tawh loh nan leh, a thil tih pawi zia a 

hriatthiam a, a sim ngei theih nan an Branch member inhnamhnawih ve chungah pawh 

fimkhur tak a hma lak dan tur ruahman a ni.

Durtlang Branch YMA, Durtlang Mel-5 Branch YMA, Zemabawk North Branch YMA leh khawtlang mipuite chungah pawh he thil thleng duhawmlo tak avang hian Venghlui Branch YMA chuan thupha an chawiin ngaihdam an dil bawk.