Aizawl: Aizawl a veng 5 - Venghlui, Khatla, Tuikual South, Tuikual North leh Dawrpui Branch YMA \angrualin an huam chhung a him zawk nan leh khawpui hlimthla lanna a nih avangin sual titute hnawhdarh ‘Joint Operation’ an neih mek chuan kar 1 a awh tawh a, zantin mi 30 vel an rut niin an sawi a. Heng hmun a street light te siam\hat leh dah belh AMC ah an dil bawk. ‘Heng hmun hi kan la humhalh a ni tih lantirnan hnawhdarh a\angin kan \an a, police leh SRS te’n min pui bawk a; tar, naupang leh hmeichhiate hi zalen takin awm se kan duh,’ tiin Joseph Lalmalsawma, Chairman ‘Joint Operation’ chuan Zalen a hrilh. Street light \hen-khat eng tawk lo leh awm lohna hmuna dah an duh chhan sawiin, ‘eng \ha se sual a ngampa lo sawt ang a. AMC ah lehkha kan thehlut a, a hlawhltin kan beisei hle,’ tiin a sawi bawk. Joint Operation titu te chuan IOC Petrol Pump epa black-a petrol zuarte chu ruihhlo ah an fihlim lovin an hria a. 2012 ah hawker licence chu LAD in titawpin AMC hian a thakna a la peih loh avangin hmalaknaah harsatna an tawk tih an sawi bawk. ’Helai velah hian ruihhlo zuar, KS leh mi dukdaklo an awm thin a. Mipa tan pawh kaltlang a hrehawm, tunah chuan thlamuang takin kan kal thei tawh a, ka lawm hle,’ tiin helai hmun nitina paltlang \hin pa 1 chuan Zalen a hrilh. “Kar 1 chhungin mi 200 chuang kan khawm tawh a. Tharum pumpelh kan duh a ‘khawng si dam si’ in hma kan la,” an ti a. An hmingte ziaklutin warning an nih hnuah an chhuah mai \hin, vawi 2/3 te man nawn te chu thuneitute kuta hlan emaw an chhungte bepawpin remruatna an siam niin a sawi bawk. Jt.Operation Vice chairman Vanlalsawma pawhin mitin ralmuang taka awm chu an tum ber anih thu a sawi bawk.