Bollywood star Deepika Padukone chu American actor Vin Diesel chuan a thawhpui tawh zinga thawhpui nuam ber zinga pakhat a nih thu a sawi chhuak mauh mai. 

Hollywood star Vin Diesel leh Deepika te hi 'xXx Return Of Xander Cage' ah an chang dun a, an thawh dunna a tha viau a nih hmel. An film tih lar nan hian Deepika chuan kum 2017 khan Vin Diesel hi India-ah a hruai a, Vin Diesel hian India hi nuam a tiin a ngaina hle niin an sawi. 

Hollywood star Vin Diesel hian tun hnai Deepika Padukone nena an thlalak dunna chu Instagram lamah a tarlang a, Deepika fakna thu a thai lang tel bawk. "Deepika Padukone hi ka thawhpui tawh zinga ka ngainat ber pakhat a ni, India-ah min hruai a, nuam ka tak zet a ni," tiin a sawi.  

Kum 37 mi Deepika hi Bollywood mai ni loin Hollywood thlenga hming chher thei a ni a, a namai lo hle - Bollywood superstar  Hrithik Roshan leh Anil Kapoor te nen Fighter film-ah an inlan ho dawn bawk.