Chinese company thangduang Vivo Communication Technology Co. Ltd. chuan Vivo X80 series chu India-ah tlangzarh a ni dawn hnai tih an puang. 

Vivo X80 series hi tunkar chho hian China-ah tlangzarh hman beisei a ni a, hemi hnu hian khawvel hmun dangah tlangzarh zui a ni ang. Bureau of Indian Standards (BIS) certification a neih fel tawh avangin India-ah pawh tlangzarh thuai beisei a ni a, tun tumah hian Vivo X80 leh Vivo X80 Pro+ tlangzarh a ni ang.  

He Vivo smartphone hian MediaTek Dimensity 9000 SoC leh Mali G70 GPU te a hmang dawn a, 8GB RAM leh 12GB RAM te duhthlan tur a awm ang. Vivo X80 hian 6.78-inch Samsung E5 AMOLED display + full-HD+ resolution a hmang dawn a, triple rear camera (50-megapixel Samsung GN5 sensor) bilh tel a ni bawk. Hei bakah hian 13-megapixel leh 12-megapixel secondary sensora chhawm bawk a, selfie camera pawh 44-megapixel zet a ni bawk. Vivo X80 5G hi Rs. 39,990 man vel ni tura ngaih a ni a, April thla chhung hian tlangzarh hman beisei a ni bawk.