DOWNLOAD OUR APP

Read latest news on your phone
app-store
Voice of Salvationist 2023 : August 22 zanah Grand Finale nei dawn
Aug 20, 2023

Territorial SAY Council buatsaih zai intihsiakna Voice of Salvationist (VOS) chu a hmawr bawk a hnai ta a, August 22, 2023 (Thawhlehni) zan hian Dawrpui Multipurpose Center-ah Grand Finale neih a ni ang. Final-ah hian top 5 te an intihsiak dawn a, result puan nghal a ni dawn lo thung. 

Top 10 intihsiak 
August 19 zan khan Dawrpui Multipurpose Center-ah top 10 intihsiak neih a ni a, heta tang hian a titha zual mi panga an tlang a ni. Top 10 intihsiakah hian - Vanlalruati, Tlangnuam Corps, Dennis Lalbiakkaia, Chanmari Corps, Liansangpuii, Khatla Corps,  PC Lalrinliani, Chanmari West Corps, Angela Zonunmawii, Lily Veng Corps, Christina Malsawmkimi, Thuampui Corps, Sarah Lalchawimawii, Mualpuikawn Corps, Joseph Malsawmtluanga, Bawngkawn Corps, Benjamin Lalremruata, Sawleng Corps leh  Lalfakmawia Chhangte, Hliappui Corps te zai a, an che tha hlawm hle. 

Top 10 intihsiak hi chhawng hnihin kalpui a ni a, a tir lamah a mal theuhin an zai. Hemi hnu hian 'Battle Round' in a zui a, entu mipui tan mit leh beng a tlai hle. Intihsiak an nih miau avangin a tha zual mi panga thlan chhuah an ngai si a, a tawpah - Dennis Lalbiakkaia (Chanmari Corps),  Vanlalruati (Tlangnuam Corps), Liansangpuii (Khatla Corps), PC Lalrinliani (Chanmari West Corps) leh Angela Zonunmawii (Lily Veng Corps) te chu Grand Final atan an inhlangkai ta a ni. 

Top 5 te hi Grand Final zanah an intihsiak ang a, a tha ber an thlang chhuak tawh dawn a ni. August 25 zanah result puan leh show ropui tak a awm dawn a, lawmman sem nghal a ni ang. Voice of Salvationist-a pakhatna hian Rs. 50,000 a dawng dawn a, 
Pahnihna leh Pathumna ten Rs. 30,000 leh Rs. 20,000 an dawng bawk ang. 

Voice of Salvationist 2023 Top 5
~ Vanlalruati - Tlangnuam Corps, CSD
~ Dennis Lalbiakkaia - Chanmari Corps, CND
~ Liansangpuii - Khatla Corps, CSD
~ PC Lalrinliani - Chanmari West Corps, CND
~ Angela Zonunmawii - Lily Veng Corps, CND

Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh