DOWNLOAD OUR APP

Read latest news on your phone
app-store
Volvo sedan km nuai 16 khaltu chu company-in Volvo car thar an pe
Aug 30, 2022

Volvo sedan car neitu pakhat chuan a car chu kilometre nuai 16 zet a tlanpui tawh vangin company lamin Volvo car thar nalh tak an pe. 

Jim O’ Shea chuan kum 1991 khan Vovlo 740 GLE car dum a lei thar a, car a neih hnu hian a nunah thil danglam tam tak tawngin a inthlak thleng a, a nunah thil thleng danglam tam tak a nei chungin a car erawh a thlak ve hauh lo thung. Jim-a'n a car hi a lei dawnin a pa nen an inhnial deuh a, a pa chuan Volvo aiah Ford lei turin a duh zawk a ni. Mahse, Jim chuan inring tawk takin a Volvo chu mel maktaduai chuang a tlanpui tur thu hrilhin a car duh tak chu a lei ta zawk a. A sawi sual lo. 

Jim chuan Volvo 740 GLE hi car naran tak leh a man pawh tlawm, mi naran pawhin a an lei mai theih a nih thu a sawi a, bakah a enkawl pawh a awlsam em em thu a sawi. A part man a to loh vangin thlak a ngaih leh repair a ngaihin sum senna tur a tam lo niin a sawi bawk. 

Kilometer nuai 10 chuang tlan hi thil harsa ve tak chu a ni, a car chu mel nuai 5 a tlanpui hnuah a engine leh transmission te chu a thlak ve a, tin Jim hian a car hi vawi khat mah a chetsual pui lo bawk. Mahse, an nu-in vawi eng emaw zat chu a chetsual pui thung.  

Jim chuan Volvo 740 GLE chu car chak tak a nih thu leh a top-speed pawh kmph 120 daih a nih thu a sawi a, Jim hian Volvo nei dang km maktaduai tlan tawh a hriat vangin chu chuan inrintawkna pein km tam tak tlan tumin rilru a siam phah a ni. 

Volvo car siamtu USA company te chuan a thil tih ropui tak avang chuan chawimawi an duh a, tichuan Jim-a chuan a Volvo sedan chu kum 30 zet a kawl hnuah chuan a lak chhuahna dealer ngaiah chuan khal let leh ta a. A lei chhuahna dealer te chuan a thil tih ropui tak avang chuan 2022 model Volvo S60 luxury sedan thar hlak chu an lo pe ta a ni.

Company chuan Jim-a chu kum hnih chhung thil chi hrang hrangah an free dawn bawk a, hei hian tyres, wheels, maintenance, excessive wear protection leh insurance thlengin a huam vek dawn a ni. Jim chuan a car thar S60 chuan mel maktaduai chuang tlan leh ngei a tum thu a sawi bawk. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh