ZALEN November 7, 2023 : Tukin zing atang khan Lalbiakthanga, 65 Lawipu/Maubawk chuan Election Commission of India ten Mizoram inthlanpui 2023 vote chhiar hun atan December 3, 2023 Pathianni an rawn ruat chu a hun sawn ngiatin chaw a nghei.

Lalbiakthanga chuan ECI lamah hian e-mail hmangin lehkha a thawn tawh thu a mah kawmtu chanchinthar lakhawmtute a hrilh a, phai lam atang pawhin an rawn biak thu leh a awmna veng leh constituency te an rawn zawt tih a sawi. Inthlan hun atana Pathianni an ruat hi ngaithiam lovin Vote pawh a thlak dawn lo tih a lo sawi tawh bawk a ni.

Manipur buaina reh theih beisei-a Aizawl atanga Churachanpur thleng ke a kal Lalbiakthanga chuan tun chaw a nghei chu MKHC te, NGO Co-ordination Committee te leh All Party te tha tichaktu a nih theih nana hetiang ti hi a nih thu a sawi.

Lalbiakthanga hian India in zalenna a hmuh kum 75 na pualin Mizoram khaw hrang hrang ke in a lo kal chhuak tawh bawk a ni.