November 9, 2023: Mizoram Kohhran Hruaitute Committee (MKHC) leh pawl hrang hrang aiawh ten vawiin khan Mizoram CEO-ah vote chhiar hun sawn turin ngen nawn.

MKHC, party hrang hrang aiawh, MPF leh Central YMA aiawhte chuan vawiin chawhma dar 11 khan Mizoram Chief Electoral Officer (CEO) Madhup Vias (IAS) hnenah vote chhiar hun sawn turin an ngen nawn.

MLA inthlan 2023 vote chhiar hi December ni 3, 2023 Pathianni a chhiar tura ruahman a ni a, hei hi Pathianni a nih avangin a tuk Thawhtanni emaw Thawhlehniah emaw sawn turin an ngen a ni.

Vawiin chawhmaa an ngenaah hian CEO hnenah hian tawngka leh ziakin vote chhiar hun sawn turin an ngen nawn a, CEO chuan thuneitu sang a a lo thlen an tum thu dawn a ni.

MKHC Joint Secretary Lalnilawma Kawlni chuan, "Hei hi MKHC ang chuan kan hmalak theih dan sang ber a ni," a ti a. MKHC chuan tum thum ngenna an thehluh tawh thu sawiin, CEO in a lo chhanna chu a ngaihthat thlak thu a sawi bawk.

MKHC Joint Secretary chuan, hmalak zel dan turah chuan party leh NGO kutah an innghat tawh niin a sawi.

CEO chuan, party hrang hrang aiawh kalkhawmte chu ECI ah vote chhiar hun sawn tura ngenna thehlut nawn turin a lo ngen a ni.