November 2, 2023; Mizoram Inthlanpui vote chhiar ni sawn turin MKHC leh pawl dang te'n CEO lehkha an pe nawn leh dawn a, darkar 24 chhungin chhanna an beisei. Chhanna an dawng lo a nih chuan an kal zel dan tur sawi lawk theih an nei lo.

MKHC, Political Parties, NGO Coordination Committee leh MPF Joint Meeting chu zanin ni 2.11.2023 dar 7 khan Synod office ah thukhawmin, Mizoram Inthlanpui vote chhiar hun sawn chungchangah MKHC in CEO chu November ni 3 Zirtawpni-ah lenchilhin lehkha peka, darkar 24 chhunga chhanna an beisei tih thlen an ti thlu a.

A bak an kal zel dan tur chu engmah an hre hrih lo niin ZALEN chuan thu a dawng. Vote chhiar ni hi sawn a nih loh chuan vote chhiar hi thleng lo tura hmalakna a awm dawn niin ZALEN chuan thu a dawng.

November ni 2, zan 7 a meeting naa tel aiawhin MKHC chuan lehkha thehlutin chutah chuan Mizoram Inthlanpui vote chhiar hun ECI-in December ni 3 a lo ruat tawh chu December ni 4 emaw ni 5 emaw a sawn turin a nawr nawn leh dawn a ni.

October ni 10 khan MKHC in Chief Election Commission India, New Delhi hnenah Inthlanpui vote chhiar ni December ni 3, 2023 chu Pathianni a nih avangin sawn turin an lo nawr tawh a. Pathianni hi nileng inkhawm neih a nih dan leh Mizoram a serh a nih dante lehkhaah hian sawifiah a lo ni tawh a ni.

Vote chhiar sawn hi MPF leh All NGO Coordination Committee angin thlen a lo ni tawh bawk.