October 9, 2023; Election Commission of India (ECI) in Mizoram MLA inthlan hun a puang fel ta a, ruahmanna a siam zingah, December ni 3, 2023 (Pathianni) chu vote chhiar ni tur a ni a, sawn tir tur a rawtna nei an tam nghal hle.

He Ni hi December ni 3, Pathianni, inthlanna vote chhiar ni tur hi khawvel pumna kristiante ni pawimawh, Kohhran tam zawkte'n urhsun taka an hman thin, 'BIBLE SUNDAY' a ni dawn a, Bible Sunday ni lo mah se, Pathianni kher a vote chhiar hi Mizo mipuite'n an ngaithiam theiin a rinawm loh.

Mizoram Kohhran Hruaitute Committee (MKHC) General Secretary Rev. R. Lalrinsanga chuan ZALEN zawhna chhangin, vote chhiar ni chungchang chu MKHC anga inrawnkhawm a an sawiho ngei a ring tih a sawi a, Pathianni kher a vote chhiar an rawn ti chu mak a tih thu a sawi.

Hemi chungchang hi All Party, All NGO leh MKHC ten an la ngaihtuah ngeiin a rinawm a, zai khat a luang a ECI lam a an thlen nghal thuai pawh rin a ni.