November 8, 2023; MLA inthlanpui, 2023 vote thlak chu harsatna lian tham awm lovin nizan dar 11:50 khan zawhfel a ni a, poll day a vote tla zat chhinchhiah chu 80.43% a ni.

Mizoram Election department thuchhuah tarlan danin, nimin a vote tla te hi vawiin ah endikna neih leh a ni dawn a, hemi hnu ah vote tlak dan dik tak hriat theih a ni ang. Hei bakah hian November ni 6, 2023 thlenga chhinchhiah danin home voting leh postal ballot hmanga vote tla 15,061 a awm.

South Tuipui huamchhunga polling station pahnih, Aithur PS, voters 116 awmna leh Lungpuitlang PS, voters 106 awmna ah vote nei zawng zawngin vote an thlak kim vek.

Assembly Constituency zinga vote tlak thatna ber chu Tuikum bial, Serchhip district niin, 87.32% a tla a, District zingah Serchhip district ah vote tla tha berin 84.75% vote a tla. Vote tlak chhiatna ber chu Siaha district niin, 75.79% vote a tla.