Wadi chaw phurhna motor man kan pe : Maneka; Provision pek kan ni lo : SWD NE State
Oct 23, 2016
Aizawl: Union Cabinet Minister for Women & Child Development, Maneka Gandhi chuan Hmarchhaka Anganwadi Centre hrang hranga bungrua leh chaw phurhna lirthei leina/ hire-na sum provisiona pek thin a nih thu Zalen zawhna chhanga a sawi laiin Hmarchhak state-a Department te chuan a hrana pek a awm loh thu leh NE ni lo state dangte chuan an nei tih an sawi thung.
Tunkara neih zawh tak Chandigarh-a Regional Editor’s Conference-ah Anganwadi Centre district leh hmun kilkhawr zawka bungrua leh chaw phurhna senso lirthei lei/hman theihna provision hran Mizoram telin North East state te pek an nih loh chhan leh state dangte pek an nih bik chhan Zalen palai chuan Maneka chu a zawt a. Maneka Gandhi chuan NE Department te chu lirthei leina pek an nih thua chhangin ‘Pawi-sa kan pe a, lei rawh se,’ tiin zawhna a chhang.
Hetih lai hian Mizoramah leh NE state thenkhat Zalen in a biak theih mai te chuan a hrana sum pek chhuah a awm an hriat loh thu an sawi thung.
Tripura Social Welfare Department chuan hemi chungchanga Zalen palai zawhna chhangin, “Transportation atan bik pawisa a hranpain a awm lo a, tunah rih chuan hetiang pawisa a awm thu kan hre rih lo a ni,” tiin Zalen a hrilh.
Mizoram Social Welfare Department hotute chuan a hrana nutrition phurhna tur pawisa dawn a awm loh thu sawiin, “Cost norm-ah hian ni khatah naupang pakhatah Rs 6, nuah Rs 7 leh severely malnourished-ah Rs 9 a ni a. Heng pawisa a\ang hian transportation pawisa tur chu tlem a zawng lak \hin a ni,” a ti a. Unit cost of maintenance anga dahin transportation atan pawh hman \hin a ni a, kum 2015 a\ang khan State Plan-ah a awm ta lo tih a sawi bawk.
Meghalaya Social Welfare Department hotu pawhin “Pawisa kan dawn hi chaw man, a phurh man, leh thingtuah tur man atan te uluk taka chhutin semdarh a ni a, a hranpain a phurh man dawn a awm lo a ni,” tiin Zalen palai zawhna a chhang a ni.
NE state dang biak pawhte chuan telephone lova sawi an duh zawk thu Zalen an hrilh bawk.
Latest News & Chhiar Hlawh
-
2m | Mar 19, 2024
-
2m | Mar 19, 2024
-
2m | Mar 19, 2024
-
1m | Mar 19, 2024
-
1m | Mar 19, 2024
-
1m | Mar 19, 2024
-
1m | Mar 19, 2024
-
1m | Mar 18, 2024
-
2m | Mar 18, 2024
-
2m | Mar 18, 2024
-
2m | Mar 18, 2024
-
1m | Mar 18, 2024
-
1m | Mar 18, 2024
-
2m | Mar 18, 2024
-
2m | Mar 18, 2024
-
2m | Mar 17, 2024
-
2m | Mar 17, 2024
-
1m | Mar 17, 2024
-
2m | Mar 17, 2024
-
2m | Mar 17, 2024