Aizawl: Urban Development and Poverty Alleviation department hmalakna in Aizawl khawpui, District khawpui leh khawpui dang (urban town) 17 te faina dinhmun enfiah mek a ni.

Faina endiktu team hi group 3 ah inthenin group I ten Aizawl khawpui an endik a, group II in district capital endikin group III ten urban town 17 an endik mek. District khawpui endiktute hian Mamit, Kolasib leh Saitual endik tawhin nimin khan Champhai an pan a. Urban town endiktu te hian khaw 8 - Sairang, Lengpui, West Phaileng, Kawrthah, Zawlnuam, Bairabi, Vairengte leh Kawnpui te an endik tawh a. Ni 6.12.2021 Thawhtanni hian Mizoram chhim lam enfiah turin an chhuak leh ang. 

Endiktute hian hmun hrang hrang an fanna ah khaw hrang hrang ten faina kawngah hma an sawn hle tih an hmu a, mipui pawhin faina an nunpui tawh hle tih an hmu bawk a, lawmawm an ti hle. Fai lawmman siam hi India Republic Day-ah lawmman sem a ni ang.