Lakers superstar LeBron James chuan point 30 zet a luh bakah rebound vawi kua leh vawi kua assists a nei a, round hnihna series Game 6-naah Los Angeles Lakers chuan NBA champion lai, Golden State Warriors chu 122-101 a hnehin Western Conference final an lut. Final lut tur hian series-ah Lakers hian 4-2 in hnehna an chang a ni.  

He inkhelah hian Los Angeles Lakers tan LeBron a che tha hle a, ani bakah hian Austin Reaves a khel tha a, rebound vawi 20 lai lain point 23 a thun a, Russell pawhin point 19 a thun ve bawk.

Warriors tan an thiampuipa, Stephen Curry bawk a che tha leh pek a, a team tan point 32 zet a thawk chhuak a; mahse, a pawlte chakpui zo lovin an beisei Western Conference final chu an lut zo ta lo a ni.

A teammate zingah DiVincenzo chuan point hmu sang berin point 16 a thun ve bawk a, mi dangin an thlawp that tawk loh vangin Lakers lakah hian point 21 zetin an mualpho ta a ni. 

Conference semi final Game 6 inkhelhah hian a tir atangin Lakers an che tha zawk a, quarter tinah an chungnung zawk char char a. Champion lai thiamzia hre lo Lakers hian quarter linaah phei chuan point sarih zetin an thlau a ni.

Tihian, Western Conference final-ah LA Lakers hian NBA final-a kan hmuh ngai loh, Denver Nuggets an hmachhawn dawn a, chak zawk tur erawh a sawi lawk theih loh.

Eastern Conference lamah Miami Heat an che tha a, semi final Game 6-naah New York Knicks nen inhmachhawnin 96-92 in an hneh hram a; mahse, series hmasa lama an lo chet that tawh vangin 4-2 a chungnung zawkin Eastern Conference finals an lut ve bawk a ni. 

Knicks tan Laen Brunson chuan point 41 zet a score a, Heat tan Jimmy Butler chuan an team tan point 24 thawh chhuah bakah rebound vawi riat zet a dawng a, Bam Adebayo pawh che chhe hran lovin point 23 a score ve bawk a ni.