Aizawl: Reserve Bank of India chuan thuchhuah siamin an website ang taka siam website a awm thu leh chumi laka fimkhur turin mipuite a chah. RBI atanga thudawn danin he website hi indiareserveban.org tih a ni a, a siamtu hi hriat a la ni lo. He website landan (layout) hi Reserve Bank of India website landan ang deuh chiahin a lang niin RBI chuan an sawi a ni. He website lemah hian hmeh theih maiin online account neitute enfiahna tur ‘Bank verification with online account holders’ tih chu a awm a, hei hi bank hmangtute password leh an mi mal thil dil chhuah nan an hmang thin niin RBI chuan a sawi. Reserve Bank of India chuan anmahni bank dawrtu mipuite chu an mi mal thuruk, password, bank account details ang chi engmah an dil ngai lo tih sawiin mipuite chu heng website lem, bank tak takina a dil ngai loh dil thinte hi dawr lo tur leh fimkhur loh chuan thui tak buai theihna a nih thu an sawi bawk. RBI hotute chuan fimkhurna tur dang sawiin website thenkhat www.rbi.org, www.rbi.in, leh adangte RBI-in a thawhpui lem loh leh inzawmpuina a neih lem loh te awmin hengah fimkhur turin mipuite an chah bawk.