ZALEN May 4, 2026 : West Bengal Inthlanpui-a duty a kal, Indian Reserve Police Lalbiaknunga, 33 h/o K. Lalremsangi, Ramhlun South chu Lung tha lo (Heart Failure) avangin 3.5.2026 zan khan Kolkata-ah a thi. Naktukah a ruang rawn thlenpui tura ruahman a ni.

GAE West Bengal - 2026 atana duty tura ruat zingah, 4th IR Bn. a tang mek Lalbiaknunga hi a tel a, thu lakna in a tarlan danin 5.2026 zan khan a Lung lam that lohna avang hian zan dar 9:57 khan Kolkata-ah hian a thi. Indian Reserve Police-ah hian 20.08.2008 atang khan a service tan a ni.

Lalbiaknunga ruang hi naktuk, 5.05.2026 hian thlawhna hmangin Lengpui Airport rawn panpui turin ruahman a ni a, Ramhlun South atanga ZALEN thudawn dan chuan a ruang rawn thlen zan hian tlaivarpui a, a tukah Ramhlun South Thlanmual-ah vui tura ruahman a ni. Mahse, a vui hun tur hi he thu buatsaih lai thleng hi chuan khawtlang hruaitute kutahdah a ni.