Aizawl; Nimin zing khan Aizawl West II, bialtu MLA Lalruatkima chuan a bial chhung Tuikual South a tlawh a, MUP building sak chhunzawmna tur leh Vengchhung inkal pawhna kawngpui siam that nan Local Council hnenah MLA fund atangin Rs. nuai hnih a pe. MLA lo dawngsawngtu khawtlang hruaitute nen an inkawmnaah Lalruatkima chuan, "MLA in thlan hmaa kan lo sawi tawh campaign nana kan auhla ber vengchhung mamawh tihpuitlin kawngah theihtawp chhuahin hma kan la mek zel a, tunah hian MLA fund sum tlemte hmangin hna bul tan nan rawng kan hnawih den den a, kan thawh theih chinah kan khawtlang tana a tha thei ang bera kan hriat angin hlep tam tumna rilru pu lova hna kan thawh a ngai dawn a ni," a ti. Bialtu MLA in sum a pek te hi Tuikual thlanmual panna Sih tuikhur kawng siamthat na tur Rs 1,50,000/- leh Upa pawl building sak chhunzawmna tur Rs. 50,000/- te an ni.