ZALEN September 2, 2025 : National Trade Union of Mizoram (NTUM) chuan Environment Forest & Climate Change Department hnuaia Sanctuary leh National Park a thawk mek Wildlife Guard ten thla nga chhung hlawh an la tawh lo a, regular taka hlawh an lak thuai then nan Mizoram sawrkar an ngen.

NTUM chuan Wildlife Guard te hian April to August 2025 thla chhung hlawh an la tawh lo an ti. March 2025 Mizoram Assembly Budget session a. Environment Forest & Climate change Department Minister Lalthansanga'n Assembly House-a a sawi angin thla tin regular a hlawh la thei tawh tur in a sawi chu lawmawm an ti a, chutihrualin tun thlengin National Park a thawk mek Wildlife Guard te regular tak a hlawh pek ala nih loh avangin leh chhungkaw enkawl tu ber an nih bawk avangin regular taka hlawh an lak thuai theih nan Mizoram Sawrkar an ngen a ni, an ti.