Oscar Award sem zawh taka sawi hlawh tak chu Will Smith-a'n Chris Rock a beng kha a ni a, tun thlengin social media titi pui ber pakhat a la ni. Hetih lai hian Will Smith chuan ngaihdam dilna a tarlang ta nge nge a, a chet dan chu atthlak a tih thu a sawi mauh mai! 
 
Best actor winner Will Smith chuan Chris Rock laka a chet dan chu pawm zam theih loh leh ngaihdam theih loh a nih thu a sawi a, a khawsak dan chu zahpuiawm a tihle. "Chris, mipui vantlang hriatah ngaihdam ka dil a che, ka tidik lo chhia va a ni," tiin a sawi. 

Oscar ceremony-ah khan Chris Rock hian Will Smith-a nupui Jada Pinkett Smith chu fiamthu thawh nan a hmang a, a tirah chuan Will Smith pawh a nui ve vur vur. Mahse a nupui a lawm lo nia a hriat hnuah a thin a thawk thut a, dawhsanah lawnin Christ Rock chu kut a han thlak ta a nih kha. A chet dan hian sawi zui a hlawh a, amah tantu pawh awm bawk mahse demtu an thahnem zawk. 

A thil tih avang hian amah pawh a awm a nuam lo a ni ve ngei ang, ni tam pawh a liam hmain ngaihdam a dil ta nge nge a ni. Ngaihdam dilna hi Instagram kaltlangin a tarlang a, award buatsaihtu Academy of Motion Picture Arts and Sciences (AMPAS) hnenah thupha a chawi tel bawk.