ZALEN Dec. 11, 2025: Tourism department buatsaihin December 15-20 leh ni 23 ah Winter Festival 2025, Lammualah hman a ni dawn. December ni 23-ah krismas lam hawi Costume Parade leh Carol neih a ni ang.

He thu hi vawiina thuthar thehdarhtute a kawmnaah sawiin Tourism minister Lalnghinglova Hmar chuan, Winter Festival-ah hian concert hmuhnawm tak tak bakah lam, stall chi hrang hrang, naupang intihhlimna leh infiamna te a awm dawn niin a sawi a, Mizo zaithiam te bakah state pawn atangin artist an lokal dawn niin a sawi.

Tourism minister tarlan thenkhat :

December ni 31 tlaiah Sakawrhmuituai tlang atangin kumhlui thlahna'n tlai ni tla thlirliam a ni ang. Zaithiam lar tak takte an zai dawn bakah, stall hrang hrang a awm ang.

Phuaibuang khuaa Tlaizawng par mawi tak behchhanin January ni 6 leh ni 7, 2026-ah Tourism event huaihawt tum a ni.

'The Mizoram Banakaih Scheme' hnuaiah Mizoram chhung khaw hrang hrangah homestay dinna tur dil mek a ni.

Tourism dept. in Rs. Vbc. 349.91 man project a thawk mek.

#ZalenNews