Wolves 5-1 a an hneh hnuah Manchester City chuan Premier League-ah Liverpool aia point thuma sang chungin hma an hruai a, game hnih khelh tur an la nei. He inkhelhah hian Kevin de Bruyne chuan first-half ah hat-trick siamin second round-ah goal khat a thun belh. 

England top flight Premier League chu khelh chhoh mek zel a ni a, a hmawr an bawk teuh tawh hle a, khelh hnih chiah an hmabak tawh-ah champion ngei tum team pahnih City leh Liverpool te an in um chho zel a, City-in point thum-in hma an hruai rih. City hian khelh 36-ah point 89 an nei mek a, Premier League hmahruai an hruai mek a, an hnuai chiahah Liverpool an awm. Inkhela chaklo zawk Wolves hian point 50 neiin pariatna an ni mek a, anni pawh hian game 36 an khelh tawh a ni. 

He inkhelhah hian City star De Bruyne a langsar lawr laka first-half ah hat-trick a siam. Minute rukna lek atangin De Bruyne hian goal a thun tan a, minute sawmna lekah Wolves lamin Dendoncker hmangin an siphurh an rawn rul a, mahse an indraw rei lo. Minute 15-na leh 23-naah De Bruyne a rawn che leha goal hnih a rawn thun leh a, City-in 3-1 in hma an hriau. 

Second-half khelh tan a ni a, mual chhungah City an chungnung leh nghal a, minute 59-ah a goal li na turin De Bruyne-in goal a thun leh a, City-in 4-1 in hma an hruai. Goal hlauhawm tak tak awm mah se inkhelh chhung zawngin goal dang a luh belh lo. 

Line-ups
Wolves XI: Moutinho, Boly, Coady, Jimenez, Dendoncker, Castro, Jose Sa, Neves, Pedro Neto, R. Aït Nouri, Chiquinho
Subs: Ruddy, Marcal, Hwang Hee-Chan, Trincão, Fábio Silva, Hoever, Cundle, Toti Gomes, Y. Mosquera

Man City XI: Fernandinho, Gundogan, De Bruyne, Sterling, Cancelo, Laporte, Ederson, Zinchenko, Bernardo, Rodri, Foden
Subs: Mahrez, Ake, Grealish, Z. Steffen, Jesus, C. Palmer, CJ Egan-Riley, Luke Mbete-Tabu, R. Lavia