Wolves chuan Chelsea striker hlui Diego Costa chu tun season chhung atan free transfer-in an la lut. Kum 33 mi hian kumin January thlaa Brazilian club Atletico Mineiro a chhuahsan hnu khan club zawm a la nei leh lo. 

Costa hian kar kalta khan Wolves tan hian fitness test a nei a, ningani khan medical a paltlang tawh bawk. Costa hi Wolves player thar a game hmasa bera inhliam ta, Sasa Kalajdzic aiawh turin Wolves hian an la deuh chuk chuk a nih hmel. 

Costa hian a career-ah game 500 a khel tling ve ta lek lek a, Chelsea a khelh chhung khan Premier League trophy tum hnih a chawi a, Atletico Madrid lamah pawh trophy a chawi nual bawk. Chelsea-a a khelh chhung khan game 120-ah goal 59 a thun a ni. 

Wolves hian season bul an tan tha lo hle a, game 6 an khelh tawhah tum khat chiah an la chak a, Premier League table 14-na an ni mek a ni. Wolves chairman Jeff Shi chuan,"Diego hian dressing room leh mual chhungah danglamna a rawn thlen ngei kan beisei a ni," a ti.