ZALEN April 10, 2026: Vawiin khan Congress Thalai Hqrs huaihawtin Congress Bhavan kawtah ZPM Sawrkara Dr. Vanlalthlana Education Department hnuaia Dan kalha dik lo leh induhsak uchuak taka hna inpekna Work Order duhlohna copy hal a ni.

He hun hi Congress Thalai Hqrs Vice President R Lalhmingmawia'n kaihruaiin, Dan diklo leh induhsak uchuak taka contract inpek anih dan sawifiahin, Lalsanglura Sailo, Vice President Congress Thalai Hqrs in Work order hi a hal a ni. Congress Thalai thiltih hi Congress party hotuten thahnem takin an tawiawm bawk a ni.

MIZORAM PRADESH YOUTH CONGRESS COMMITTEE

AIZAWL: MIZORAM

MPYCC No.PR/2026-2027/67.   Dated: Aizawl,the 10th April,2026

PRESS STATESMENT

MPYCC IN SAMAGRA HNUAIA INDUHSAKNA UCHUAK WORK ORDER AN HAL

India rama mak ber, induhsakna uchuak, a duhsak firm, hna a pek TiLi Firm leh Samagra agreement ah Education Minister in a hming a signed kuau ! Hemi chungchang hi Lok Ayukta in a chhui mek a, case kal mek a ni. A duhsak zawng hna Samagra hnuaiah departmental works a pek ringawt pawh Rs 5018,38,484 (nuai Sangnga Sawm pariat, Sing thum sangriat, Zali sawriat pali) man a tling !*

Dt.10 April, 2026 : Education Minister Dr. Vanlalthlana hian Education Dept hnuaia Samagra hnuaiah Tender nilo, Restricted pawh ni pha lo, Departmental works in a duhsak zawngte leh ZPM worker te hna a pe nasa em em a. Kum 2 awrh Minister a nih chhung 1st Jan 2024 to 28th Febuary 2026 hian Samagra hnuaiah ringawt hna hrang hrang belhkhawm Rs 5018,38,484 (nuai Sangnga sawm pariat, sing thum sangriat, zali sawriat pali) man lai a pe.

Chumai nilovin, Samagra Financial Rules in Rs 25 lakhs chunglam chu Open Tender a hna pek tur tih a sawi chian em em laiin, Firm pakhat TiLi, ZPM hruaitu pawimawh tak laina hnai hnai tak ta chu tender chhuahlo, Departmental works pawh nilovin cheng Nuai 59 man a pe tawp a. TiLi Firm leh Samagra agreement ah Education Minister hian a signed ve kuau a. Eng department ah mah hian contractor te work order emaw, Contractor leh Department te Agreement ah, anmahni duhsaka hna petu Minister in an signed ngai lo. 

MLA inthlan hma khan candidate te kokhawmin, Pathian hnenah ṭawngṭaina nen zoram mipui hmaah thutiam an nei a. 'Chhung leh khat, Party mite duhsak bikna lakah ka inthiar fihlim ang' an ti a nih kha. An intiamna mipuiin an ring a, rorelna ZPM party kutah an pe a.

ZPM in sorkarna an chan hnuah,mahni party mite leh duhsak zawngte hnapek nan Restricted Tender a tam ta lutuk a, approval pek a buaithlak tham hial a. Mizorama kan la hriat ngailoh, Restricted Tender 'Blanket approval' an rawn ching chhuak ta a ni. Restricted Tender kan ti ve lovang tia intiam tute sorkar an ni. 

Chumai a la ni lo a. Restricted Tender pawh ni pha lo, 'Departmental works' an uar ta em em a. Works Supervisor atan an mi duhsakte hmangin, sorkar kal tawhte aia nasa in departmental works in Education Department, Samagra hnuaiah an inpe mek a ni.

Chuvangin, ZPM sorkar hian Pathian leh mipui hmaa anmahni thutiam zahlo a, sorkar hmasate aia kalphung ṭhalo min hmuhtir hi MPYCC chuan ṭhalo kan ti a. Samagra hnuaia departmental works a hna pek, name of work, estimate amount, work order copy hi vawiin hian kan hal a ni

Issued By MPYCC Hqrs Mizoram, Aizawl