Aizawl: Tun hnai kum tlemte liamta atang khan Mizo zingah thalai thi an tam chho hle a. Aizawl khawpui chhung YMA branch hrang hrang ten kum khat chhunga mitthi an neih zat an chhinchhiahna ah pawh a chanve lai chu thalai nia an hriat thu an sawi. Zalen palai in Aizawl khawpui chhung leh khawpui pawn YMA branch hruaitu a kawm kual te chuan an Branch huam chhunga mitthi zingah thalai an tam tual tual thu sawiin, Branch thenkhatah phei chuan kum 2015 chhung khan mitthi 30 an neih ah 25 chu thalai an nih thu Zalen an hrilh. Aizawl veng pakhata thlanmual in charge chuan tunhnaiah mitthi an neih thin zinga a chanve vel chu thalai an nitiin tunhma lam chuan kum upa lam deuh an thi tlangpui a, mahse tunhnaiah thalai thi an tam tih a sawi a. Thalai thi an tam chhan hi a hriat bik loh thu leh a tlangpuiin ruihhlo kaihhnawih vang niaa hriat thu Zalen a hrilh. Lalthlamuana Ralte, Asst. Professor, Dept. of Economics, PU College chuan thalai thi an tam chhoh zel chuan ram economy a tuar thei a ni tiin Zalen palai a hrilh a, hnathawk thei chin kum 50 hnuai lam thi an tam a, thalai an tlem tial tial chuan tun atanga kum 10 a liam meuh chuan Mizoram chu a ngaihtuahawm hle a rin thu a sawi bawk a ni. Prof. Lianzela chuan tun hnai chhoa thalai thi tam chho zel chu vei awm a tih thu sawiin, tar lam thi an tlem chu malsawmna a nih rualin hnathawk thei working age an thih zel chuan sum leh pai thawh chhuah kawngah ramin nasa takin a tuar dawn a, ram hausa tur chuan hnathawk thei thalai an tam a ngai a ni, a ti. Thalai kum 50 hnuai lam Working Group te an tlem tial tial chuan inthlah punna kawng thlengin a nghawng a nei thei niin hetiang lama mithiam Zalen in a kawmte chuan an sawi a. Tuna Mizoram dinhmun chu vei awm tak a nih thu an sawi hlawm. Kum 50 hnuai lam thalai thihna hian ram dangah pawh nasa takin ram economic a lo nghawng tawh thin a, African Countries ah chuan AIDS in Thalai a suat natsat avang in Labour force a tla hniam a. Skilled labour kut themthiam sa an thih nasat vang in ram sum dehchhuah nasa tak in a tlahniam a ni. Prof. Lianzela chuan tun hnai chhoa thalai thi tam chho zel chu vei awm a tih thu sawiin, tar lam thi an tlem chu malsawmna a nih rualin hnathawk thei working age an thih zel chuan sum leh pai thawh chhuah kawngah ramin nasa takin a tuar dawn a, ram hausa tur chuan hnathawk thei thalai an tam a ngai a ni a ti. Thalai kum 50 hnuai lam Working Group te an tlem tial tial chuan inthlah punna kawng thlengin a nghawng a nei thei niin hetiang lama mithiam Zalen in a kawmte chuan an sawi a. Tuna Mizoram dinhmun chu vei awm tak a nih thu an sawi hlawm. Kum 50 hnuai lam thalai thihna hian ram dangah pawh nasa takin ram economic a lo nghawng tawh thin a, African Countries ah chuan AIDS in Thalai a suat natsat avang in Labour force a tla hniam a. Skilled labour kutthem thiam sa an thih nasat vang in ram sum dehchhuah nasa tak in a tlahniam a ni.