ZALEN, Jan. 29, 2025: World Armwrestling Association (WAF) buatsaih, 2025 World Armwrestling Cup & Para-Armwrestling Cup-a inelh turin Mizo banelh chak, Denic Lalruattluanga chu Nilaini hian a kal.

Inelna hi Ningani atang hian Tashkent, Uzbekistan-a tan tur niin February 7 thleng awh tur a ni a. Khawvel ram hrang hrang atangin banelh chak fuankhawmna tur a ni.

ITi, Aizawl tlangval, Asia-a banelh chak ber ni mek, Denic-a hi Nilaini tuk khan Mizoram Armwrestling Association (MAWA) hruaitute chuan a chenna inah thlahin fuihna leh tangtaisakna hun an hmang.

MAWA hian Denic-a hi tluang taka a kal theih nan leh hlawhtlinna a chan ngei theih nan tawngtaipui turin Mizoram mipuite an ngen bawk.