Aizawl; October ni 28 atanga November ni 1 inkar khan 45th Union World Conference on Lung Health chu Barcelona, Spain-ah neih a ni a, India ram aiawh a kal zingah Dr.Jane R.Ralte State Nodal Officer cum Project Officer Mizoram State Tobacco Control Society chu a tel a ni. Dr Jane Ralte hian he Conference-ah hian ‘A Study on Compliance to Smoke-free Rules in Mizoram’ tih thupui hmangin paper a present bakah Power point hmangin ‘A Study on Compliance to Prohibition of Sale of Tobacco Products to Children in Mizoram, India’ a pharh bawk a ni.