Di Maria a goal khat hmangin Argentina  chuan Uruguay hnehin nakum World Cup-a South America khawmualpui aiawh a khel zawnnaah Brazil hnung zuiin an tling. 

Angel Di Maria chuan inkhel tan atang minute rukna lekah Argentina tana goal khungin South American qualifying khelh kal meka an game 12-naah chakna an chang a, tihian hneh loh nei lova kal tluang team hnih te hi nakum World Cup khel turin an tling chiang tawh a, Brazil hian point 34 neiin group-ah hma an hruia a, Argentina hian point 28 neiin an dawt a ni. 

Colombia hnehtu Brazil nen thawhlehni hian an inhmachhawn leh ang. Uruguay hi tunah parukna dinhmun an hauh mek a, palina Chile leh pangana Colombia te nen point 16 theuh an hmu. Uruguay, Colombia leh Chile ten an tumpui an hneh loh vek vangin Argentina chan hi a tha ta a ni. 

Di Maria goal thun hi Juventus star player  Paulo Dybala siam sak a ni a, 
captain Lionel Messi pawh lut ve bawk mahse, a fit tawk rih loh tih a hriat.