DOWNLOAD OUR APP

Read latest news on your phone
app-store

World Cup khel tur leh khel lo thut thei te

Mar 27, 2022

2022 World Cup khel phak tur zawnna neih mek chu tun thla hian neih zawh hman tum a ni a, kum tawpa khelh tur tournament ropui tan hian tih tur hmabak hlen loh erawh ala tam hle thung.

2022 World Cup khel phak tur zawnna neih mek chu tun thla hian neih zawh hman tum a ni a, kum tawpa khelh tur tournament ropui tan hian tih tur hmabak hlen loh  erawh ala tam hle thung. 
   

Qatar World Cup hi kumin November ni 21 hian kick-off neih tur niin ram tling chiang tawh thenkhat chuan an inkulhna tur hmun thlengin an tifel tawh. 
   

World Cup group stage, final draw hi April ni 1 hian Doha-ah neih tum a ni a, mahse hemi hma hian tih fel tur an la ngah hle a ni. Tunah hian team 21 te chu World Cup khel tur hian an tling chiang tawh a, team 32 tel tur an nih avangin team dang zawng hi March thla tawpah a hriat chian theih chauh ang. 
   

Chutihrualin, Russia ramin an run avangin June thla hma chuan Ukraine leh Scotland play-off khelh tur chu khelh theih a ni dawn lo bawk. Scotland leh Ukraine hnehtu hian Qatar kal turin Wales an hmachhawn leh phawt a ngai dawn bawk. 
   

World Cup 2022, khel tur zawnnaah hian UEFA qualification group stage-ah nikum November thla khan ram thenkhat chu an tling der tawh a, chung zingah chuan an group theuha pakhatna England, Germany, Spain leh France te an tel. CONMEBOL lam atangin Brazil leh Argentina chu qualify hmasa niin Ecuador leh Uruguay ten an zawm ve tawh bawk. AFC lam atangin Iran, South Korea, Saudi Arabia leh Japan. African, CONCACAF leh Oceanic ten qualify hi an la khel zo ve lova, European khawmualpui pawh chinfel kim a la nilo bawk.
   

Qualify tawh team te chu: Qatar (Host), England, Belgium, Croatia, Denmark, France, Germany, Serbia, Spain, Switzerland, Netherlands, Brazil, Argentina, Iran, South Korea, Japan, Saudi Arabia,Eduador, Uruguay.

World Cup 2022 lama kan hmuh loh thut theih ram te!
   

World ranking lama sang tak nih ringawt hi Qatar kalna a ni ngawt lo va, ranking nei sang leh record nei tha tak tak ram pawh World Cup khel tur zingah hian tling lo an awm nual tawh. UEFA lam atangin Wales, Scotland leh Portugal pawh khel phak lo thei dinhmunah an la ding mek a, Euro 2020 champion Italy pawh North Macedonia hneh lovin an tla daih a nih kha. Play-off final fixture hi en la heng team 6 atang hian team 3 chiahin Qatar an kal thei dawn a ni. 

Portugal v North Macedonia
Wales v Scotland or Ukraine
Poland v Sweden
   

CONMEBOL lamah Chile leh Colombia te chu tling lo thei dinhmunah an ding mek a, Africa lam atangin team 5 tling turah team 10 an la awm a, Zirtawpni zan khan khelh niin result chu hetiang hi a ni. 

Egypt 1-0 Senegal
Cameroon 0-1 Algeria
Ghana 0-0 Nigeria
DR Congo 1-1 Morocco
Mali 0-1 Tunisia

Share now