Aizawl: The Art of Living te chuan March ni 11th-13th, 2016 hian ram 154 telna tur World Culture Festival 2016 chu Delhi ah an huaihawt dawna, he hunah hian CM Lal Thanhawla chu Khualzahawm tura sawm a ni a; mi tam zawkin Mizo culture an hriat theih nan thiamthil neite hruai turin an ngen bawk a ni. Kum 36 a tlin lawm nana he hun huaihawtute chuan mi Nuai 35 lai an tel dawn niin ZALEN in thu a laknaah tarlan a ni a, sakhaw hruaitute, politician te, remna palai thawk tute leh cultural artist te ram hrang hrang atangin tel tura beisei a ni bawk. Sri Sri Ravi Sankar-a din Art of Living in a tum ber chu ram inkara remna siam leh chumi atana dawhsan chhawpchhuah a ni a, mihring nun hlut awmzia an zirtir thin bawk a ni. Ni 11 ah PM Narendra Modi chuan festival hi a hawng dawn a, Khualzahawm in thua sawi zui dawn a ni.