Aizawl: Nimin tuk khan world heart day pualin Vanapa hall kawt atanga Millennium Centre thleng lung pawimawhzia inhrilhtharna kawngzawh neih a ni.   Kawngzawh tawpna, Millennium Centre-a neih hi Dr. Lalrozama, Mission Director NHM chuan a kaihruai a, khuallian Health Minister Lal Thanzara chuan stroke leh lung natna tam chhan chu nitin nundanin a zir loh vang a ni tiin, thihna kan pumpelh nan ei leh in hrisel, zuk leh hmuama insum leh taksa sawi zawia tna lak lehzual a tul thu a sawi. State Nodal Officer, NCD Dr. Eric Zomawia chuan lung tha lo (heart attack) chu khawvela thihna thlentu 30% a tling tih sawiin a thlentu chu awm awl vang te, chi ei tam, thau leh thlum ei tam leh vaihlo vangte a ni tih sawiin ram changkangah chuan hemi titlem tura tan an lak laiin India ramah erawh chuan a la hluar hle niin a sawi. Kumin world heart day thupui atan hian ‘kan zavaia lung a pawimawh (my heart, your heart)’ tih chu hman a ni.