ZALEN August 19, 2026 : Mizoram School of Photography (MSP) leh Photography Club of Mizoram (PCOM) tangkawpin an buatsaih ni 4 awh tur 'Photo Art Exhibition vawi 10-na' chu vawiin, August 19, 2026 khan Millennium Centre Atrium-ah Vanlalhuma, Ambassador IFS (Rtd) chuan a hawng.

World Photography Day kum 187-na puala Exhibition buatsaihah hian mi 48 telin thlalak 146 a lut a, thlalak te chu man tlawm zawkin lei theih a ni. Exibition-ah hian India rama cheng a duh apiang an tel thei a, India ram leh ram pawn atanga thlalak thiam bik te endiktu atan an sawm bawk.

Intihsiaknaah lawmman pakhatna Hmangaiha Chhangte, Champhai, chuan Rs. 10,000, trophy leh certificate a dawng. Pahnihna Dr. C. Zoremsanga, Falkland Veng chuan Rs. 7,000 leh trophy leh certificate a dawng a, pathumna Parvej Akhtar, Kolkata chuan Rs. 5,000 leh trophy leh certificate a dawng. Mi panga dangte pawhin Rs. 1,000, trophy leh certificate an dawng bawk.