ZALEN Oct 7, 2024; Vawiin (8.10.24) chhun dar 12:30 vel khan Zemabawk-ah wrong side a tlan tanker-in hmeichhe khalh scooty a su a, driver (hnamdang) chu a tlanbo.

ZALEN thudawn danin, vawiin chhun khan Tuirial lam atangin tanker pahnih an in um chho a, Zemabawk dai, tawngtaina hmun thlen hma deuhin tanker pakhat zawk wrong side a tlan chuan anmahni tawk zawnga tlan scooty hmeichhe khalh chu a su a, tanker pakhat zawk erawh a tlan tlang. Scooty a chuang hmeichhe pahnih ten hliam an tuar a, vanneihthlak takin dinhmun ngaihtuahawm erawh an ni lo.

tanker driver hnamdang chu a tlanbo niin thudawn a ni a, he thu ziahlai thleng hian a chin hriat a la ni lo. Traffic duty ten thil awmdan an enfiah mek niin traffic control room atanga thudawnna chuan a sawi.