American rapper XXXTentacion chu kum 2018 khan car-a a chuang lai kahhlum a ni a, a thih dan chhuina kal zelah mi pathumte chu thiam loh chantir an ni. Pawi khawihtu mi pathumte hi dam chhung lungin tang tura hrem an ni a, an tan hun chhung hi pawh tawi theih a ni dawn lo bawk.   

XXXTentacion hi kahhlum a nih khan kum 20 mi chauh a la ni a, uitu pawh a ngah hle a nih kha. A thihnaa mawhphurtu mi pathum - Michael Boatwright (28), Dedrick Williams (26) leh Trayvon Newsome (24) te hremna hi a nep lo hle a, hreawm taka dam chhung lungin tang tura hrem an ni. Broward County judge Michael Usan chuan hremna chungchang hi tun hnai khan a puang a, "Darkar tin, ni tin, kar tin leh kum tin cell-ah an dam chhung hun an hmang dawn a ni," tiin court thu tlukna a puang. 

XXXTentacion hi a hming tak chu Jahseh Onfroy a ni a, June 2018 khan a thiante nen Riva Motorsports-ah an kal chu mi tuh tih hriat loh SUV-a chuang ten dang betin an kap hlum. Hmai tuam silai kengte hian silai an hmeh puah hnu hian XXXTentacion-a bag chu lain an tlanbo zui a, pawisa thahnem tak an ruk sak a ni.   

Pawi khawitute chungchang hi hun rei tak ngaihtuah a ni a, tun hnai khan court chuan hremna hi a puang ta a ni.