ZALEN Sept 23, 2024 : Lawngtlai District a Tlawmngaipawl lianber Young Lai Association chuan vawiin khan YLA Day, YLA Golden Jubilee an hmang.

Central YLA President Pu HC Vanlalruatpuia chuan YLA Member te Golden Jubilee duhsakna chibai bukin, chanhai ringvai te puiin, khawtlang, ram leh hnam tan YLA chu a dingzel dawn a ti a.

YLA Golden Jubilee ah hian Chief Executive Member, LADC Pu C.Lalmuanthanga, Lawngtlai East MLA Dr.Lorrain Lalpekliana Chinzah, Lawngtlai West MLA Pu C.Ngunlianchunga bakah mi langsar tak tak ten YLA chu duhsakna hlanin chibai an buk a, Lawngtlai District a Tlawmngai pawl dangte pawn YLA member te chibai an buk bawk.

Central YLA hruaitute chuan Lawngtlai a Damdawiin pathum bakah Lairam Rescue Centre, Lairam Motherless Home leh District Jail ah te thilpek an hlan a, zanin hian hmun hrang hrangah Jubilee mei det a ni ang. Branch hrang hrang ten Golden Jubilee lung an phun hawn a ni bawk.

YLA Day, Golden Jubilee hi Branch hrang hrang te chuan intihhlimna te, khawtlang tana thiltha tih nan te, mihmingtha chawimawi nan te, midang tanpui nan te, infuhthar nan te an hmang.

Tun dinhmun ah YLA ah hian Branch - 119, Sub Hqtrs - 7, Group - 2 awmin member 56,000 an awm mek.