Aizawl; Young Lai Association Sangau-I Branch hruaitute chuan April ni 11, 2014 khan Sangau atanga khawchhak (Burma) a phurh chhoh tur Buhfai Bag 25 an dang. Heng buhfai te hi Hlawnbawri, Sialam, (Burma) khua in Sangau khaw chhung atanga a lei khawm a ni a, Bag khat Rs.700, Rs.900 leh Rs.1000 te in a lei tlangpui a. Tunhnaiah Sangau atang hian Burma lamah Buhfai engemawzat phurh chhoh awm nia report a awm avang leh, Sangau leh a chhehvel khuaah te Buhfai a harsat reng avangin Sangau-I YLA te hian hma an la ta niin thu dawn a ni. Buhfai hi Sangau tualchhung mi 14 te hnenah pekir lehin, Buhfai Bag 7 chu a neitu hriat a ni lo. Hlawnbawri hian heng buhfai te hi Tuipui Darzo kai atanga a lei niin a sawi a, Sangau-I YLA hruaitute hi Tuipui (D) ah kalin an zawtfiah a, mahse Buhfai lei khawmtu hian dawt a sawi ani tih an hrechhuak a ni. Buhfai leikhawltu hian inneihna ruai atana hman tur a nih thu a sawi a, hetih lai hian Bag 25 lai a lei khawl avangin YLA te hian ringhlelin an dangkir ta a ni. Sangau-I YLA te hian an Buhfai dan zawng zawng hi a neitute hnenah kir leh vekin, buhfai man a an pawisa hmuhkhawm pawh Hlawnbawri hi pek kir leh an tum niin thudawnna chuan a sawi.