ZALEN November 18, 2023 : Zirtawp zana Central YMA CEC meeting Tuikhuahtlang CYMA Office a neih chu President Lalhmachhuana'n a kaihruai a, Fisheries leh PHE te nena thawh dunna neihpui leh tha an ti a, Durtlang Leitan Ramthar branch din an phalsak bawk.

CEC meeting chuan Fisheries Department leh Central YMA-te thawhhona thin, 'Luidung humhalh leh tuihna humhalh' chungchangah CYMA chuan Fisheries Department te thawhho pui leh nise tiin an ti a. CYMA leh PHE Department ten faina kawnga an thawhdunna 'Faina lama thawk tute chawimawina ni' atan December ni 19,2023 zan dar 7:30-ah neih nise an ti a. He huna khuallian turin PHE Minister thar nise, Central YMA President chu thusawi tura ruat a ni bawk. Aizawl khawpui chhung Branch YMA atangin aiawh pathum theuh tel tura beisei an ni bawk.

Hei bakah hian Durtlang Leitan Ramthar Branch din dilna chu CEC chuan a pawm a, tihian Central YMA hnuaiah YMA Branch 820 a awm ta a, Aizawl khawpui chhungah Branch 109 an awm ta bawk a ni. CEC meeting chuan YMA Life Member 14 dilna a pawm bawk.