Aizawl: Naktuk hi Mizoram a tlawmngai pawl lian ber Young Mizo Association din champha ‘YMA Day’ a ni a, Mizoram leh ram pawna YMA Branch te chuan programme hrang hrang siamin hun an hmang dawn. Central YMA hruaitute pawh hmun hrang hrangah insemdarhin hun an hmanpui dawn a, President Lalbiakzuala chuan Aibawk-ah hun a hmang ang a. Vice President Vanlalrema Rokhum an Saitualah, General Secretary Vanlalruata Tuikual South leh North bakah Laipuitlangah, Assistant Secretary Lalhmachhuana Tuikhuahtlang, Chaltlang North leh Electric Vengah, Treasurer J. Lalsailova Mission Veng YMA North leh Finance Secretary Lalrochuanga Pachuau Dampui Branch-ah te an hmang ang.