Mizorama tual chhung football inelnaa ngaihhlut leh ngaihven hlawh ber tia sawi ngam, YMA branch hrang hrangte inelna chu Ningani atanga khelh tan turin Thawhlehni zan khan pet hawn a ni ta a, a tan niah khelmual parukah inkhel 18 awmin YMA Branch 36 an inlan nghal dawn.

Central YMA leh Mizoram Football Association (MFA) buatsaih intihsiakna, LBS SUZUKI 21st Inter-branch Football Tournament 2023 hi Vanapa Hall-ah Ngurdingliana, LBS Suzuki-in a pet hawng ta a. R.Lalrinmawia, Chairman, Organising Committee-in fixture a tlangzarh nghal bawk.

YMA branch 145 an inelna tur tournament hi Aizawl leh a chhehvela khelmual paruk - RG Stadium; AR Lammual; MSSC Ground, Muallungthu Ground; MSSC Ground, Lengpui; MAP Ground, Armed Veng leh MFA Ground, Sairang Dinthar-ah te khelh a ni dawn a, Mizo footballer 3,600 chuang an inel dawn a ni.

July 9-a RG Stadium-ah final khelh tura ruahman a ni a, knock-out system-a khelh tur niin a tan niah pawh hian branch 18 zet tlang leh tla nghal an awm dawn tihna a ni a, a telte hi Group A atanga H-ah a branch-te hi then an ni.

Inter-branch YMA football hi khelh a nih apiangin ngaihven a hlawh em em ziah a. Nikumah khan final-ah Champhai Vengthlang Branch-in Sialhawk Branch hnehin an champion a, Sialhawk auhla thenkhat phei chu Mizoram puma khawtual tawng lar takah a chang zui phah hial a ni.

A tan nia inkhel turte (kualkhung chhunga mi hi an awmna group a ni):

AR Lammual
Sihhmui vs Sakawrtuichhun 9:30 (A)
North Chaltlang Vengthlang vs Lamzawl 11:30 (B)
Reiek vs Kawlkulh 1:30 (A)

RG Stadium, Mualpui
Rawpui vs Cherhlun 10:30 (C)
Chhinga Veng vs Zemabawk North (D)
Chaltlanng vs Selesih 2:30 (C)

MAP Ground, Armed Veng
Chawngte P vs Phuldungsei Phul Bial 10:30 (E)
Kanhmun vs Zokhawthar 12:30 (F)
Mimbung vs Thakthing 2:30 (E)

MSSC Ground, Muallungthu
Mission Vengthlang vs Zemabawk East 10:30 (G)
Samtlang vs Kanan Veng 12:30 (H)
North Lungleng vs Ramhlun Sports Complex 2:30 (H)

MSSC Ground, Lengpui
Tlangnuam vs Zemabawk West 10:30 (G)
Melriat vs Tlangnuam Vengthar 12:30 (H)
Melthum vs Aizawl Venglai 2:30 (G)

MFA Ground, Sairang Dinthar
Sailam vs Hlimen 10:30 (H)
Tuithiang vs Chawnpui 12:30 (G)
Falkawn vs Kulikawn 2:30 (H)