October 25, 2023; Mizorama tlawmngai pawl lian ber YMA Inkhawmpui Lian vawi 74-na, October ni 24 - 26, chhunga Biate khua Zialung Run-a neih tur chu nizan dar 7:00 khan tan a ni a, Ramngaw leh nungcha humhalh tha leh Tuihna humhalh tha lawmman sem a ni.

YMA Inkhawmpui Lian hi nizan dar 7 khan Zialung Run-ah Vantlang inkhawm neih a ni a, Central YMA Secretary Prof. Lalnuntluanga’n kum 2022-2023 Annual Report a pe a, Central YMA Finance Secretary : Roneihthanga’n 2022-2023 Finance Report a pe ve thung ang a; Ramngaw leh Nungcha humhalh tha lawmman te sem a ni.

YMA Inkhawmpui Lianah hian vawiin lamah Zialung Run-ah rorel inkhawm neih a ni ang a, naktuk Ninganiah kum 2023 -2025 chhunga Central YMA hruaitu tur thlan a ni ang.

Nizan palai lawmna inkhawma Ramngaw leh nungcha humhalh tha leh Tuihna humhalh tha lawmman dawngte hi - Ramngaw humhalh tha Group hrang hrang zingah Chhawrpial Group YMA chu pakhatna niin, Tuipuiral Group YMA pahnihna an ni a, Hmuifang Group YMA chu pathumna an ni.

Branch YMA zingah Bungzung branch chu pakhatna an ni a, Darlawn branch YMA pahnihna niin, Ngopa branch YMA chu pathumna an ni thung.

Tuihna humhalh tha lawmman dawngtute hi Group YMA zingah Tuipuiral Group YMA chu pakhatna an ni a, Chalfilh Group YMA pahnihna niin, Hmuifang Group YMA pathumna an ni a. Branch YMA zingah Sumsuih branch YMA chu pakhatna niin, Vaphai branch YMA pahnihna an ni a. Neihdawn branch YMA pathumna an ni.