Aizawl; Nimin khan Durtlang North YMA Branch leh Central YMA hruaitute chuan BSF mi leh sa hnen atangin zu man to chi (a sen chi) BlendersPride leh Royal Challenge Um 24 Case 2 an man. Zu neitu nia puh hi BSF Constable SM Chakma niin, Santro Car MZ-01J-9181-ah man a ni a, Bawngkawn Police Station-ah Durtlang North YMA hruaitute chuan an hlan. YMA hruaitute chuan Durtlang BSF Camp atang hian zu hi hralh chhuah fo thin a nih thu leh ti tawh lo tur pawhin an lo ngen tawh thin tih an sawi a. He an ngenna hian awmzia a neilo hle niin an sawi. Tun tumah pawh hian hun engemawchen an enthla a, khawtlangin heti anga Sipai Camp atanga zu hralh chhuah fo hi an ngaimawh hle niin an sawi bawk.