ZALEN June 11, 2024; Neihdawn Branch YMA te Nichuan, an khua a vanduaina tawh vanga harsa chhungkua te hlo an thlawhpui.

Tun thla ni 7 khan K. Lalrintluanga- nupui Sangmawii chu boralin a tuk ni 8 khan vuiliam a ni a. An vui zawh hnu darkar 1 vel lekah a tunu Graice Rammuanhlui, thla 9 a upa chu a boral leh a, a tu nu hi a tuk ni 9-ah vuiliam veleh a ni a. K. Lalrintluanga te in atangin Sangmawii leh Graice Rammuanhlui te hi vuiliam ve ve an ni a.

Hetiang hi an dinhmun a nih tak avangin leh chhiat an tawh vangin lo lamah chet an lak theih loh avangin nimin khan Neihdawn Branch YMA te chuan khua atanga Km 3 vel a hla a, K. Lalrintluanga te lo, ṭin 2 hmun chu an thlawhsak a, an thlo zo vek a ni.