February 22, 2024; Mamit Venghlun Branch YMA chuan ni 20.2.2023 khan an veng chhunga awm Govt. Primary School-I hnatlangin an sakpui. 

Mamit khawpui chhunga sikul awm hmasa ber Govt. Primary School-I ah hian nikum atang khan pre-school hawn thar a ni a, kumin hian KG class hawn belh leh tum niin, class room tur sak belh a ni.

Class room thar sakna tur hian MLA fund cheng nuai 2 hmuh beisei a ni a, an pawisa hmuh tur rinchhan hian mimal pawisa hmangin class room thar tur hi an siam mek a ni.

MLA Fund an hmuh turin room sakna duh ang a a daih tawk dawn loh avangin Venghlun Branch YMA chuan class room thar tur hi hnatlangin an sakpui ta a ni.

Nimina hnatlangah hian YMA member bakah vengchhung mistiri te, zirtirtu leh zirlai nu leh pate an thawk chhuak.

Zirtirtute chuan hnatlanga puitute Venghlun branch YMA leh bialtu MLA chungah lawmthu an sawi a ni.