ZALEN Nov 16, 2025 : NHIDCL hmalakna an duh khawp loh avangin Joint YMA Zobawk chuan naktuk zing dar 6 atangin tiam chin awm lovin kawngpui an dang chat dawn. 

Jt.YMA Zobawk hian Pathianni hmasa (Dt 9.11.2025) khan NHIDCL hotute an thutkhawm pui a. National Highway sial zauh hnathawh mekah, an veng huamchhunga zangnadawmna pek fel tawh lai te chu a rang thei bera siam that an phut thu hrilhin, chawlhkar 1 chhung an ngaihchan tur thu leh hemi chhunga an hnathawh danah lungawina tur an hmu lo a nih chuan naktuk (Dt.17.11.2025) atangin tiam chin awm lo va kawngpui an dan chah dawn thu an lo hrilh lawk tawh a. NHIDCL hnathawh dan chungchangah hian vawiin khan Jt YMA Zobawk hruaitute chu thukhawmin, NHIDCL hnathawh danah lawmna tur an hmuh loh avangin naktuk atanga kawngpui dan chah an rel a ni.

#ZalenNews