Aizawl: Central YMA chuan rannung thahna ‘pesticide’ hman kawngah fimkhur taka thil kalpui a duh a, hemi kawnga hmalak dan tur hi tun hnai khan Agriculture Minister leh Horticulture Minister te an sawipui. YMA general conference nikum Champhai Zotlanga neihah fimkhur zawka rannnung thahna hlo hi hman nise tia a lo rel angin YMA hruaitute hian June 22, 2018 khan Agriculture Minister KS Thanga chu an kawm a. Ni 26.7.2018 khan Horticulture Minister PC Lalthanliana an sawipui bawk. Central YMA hruaitute chuan pesticide chu fimkhur taka hman a tul nia sawiin khawthlang lam hmun thenkhatah phei chuan thihpuite an awm nia sawiin mi thenkhat damlote pawh an awm niin an sawi bawk.