Aizawl; Kumin September ni 30 atanga Ocober ni 2 inkara YMA khawmpui thlenna tur Ratu khua chuan pandal sak hna an zo thawkhat tawh. YMA General Conference Organising Committee vice chairman Lalrinawma hnen atanga Zalen thudawn danin khawmpui neihna atan hian pandal a dung ft. 150 leh a vang ft. 120 a lian chu an sa zo thawkhat tawh tih a sawi a. Tun dinhmunah a bang, stage leh ceiling siam hna te pawh zo tawhin thutthleng siam an tum mek niin a sawi a. Pandal ah hian mi 5000 vel len theih an beisei niin a sawi bawk. Ratu khua chuan YMA General Conference inbuatsaihan atan hian Sub Committee 11 an siam a ni.