Aizawl: YMA Kumpuan 'Ram leh hnam humhalh' hawnna inkhawm chu Zirtawp zan khan Vanapa hall -ah neih a ni. Kumpuan hawnna inkhawm hi Central YMA President Vanlalruata'n a kaihruai a, kumpuan hawngtu Central YMA President Lalbiakzuala chuan, “Kan ram zimte hi mi thenkhat ten thendarh a, sah hek an tum mek a, YMA kan awm chhung chuan kan remti tur a ni lo,” a ti. CYMA President chuan kan thatchhiat vangin Mizoram ah mamawh aia tam hnamdang an awm nia sawiin insiamthat a tul tih a sawi a. “Zonun zemawi hi tunlai hmasawnna in a rawn thaibo anih chuan YMA member te chu he hmasawnna ah hian i tel ve lo mai ang u,” a ti bawk. Kumpuan hawnna ah hian CYMA General Secretary Lalhmachhuana chuan Kumpuan bawhzui kawnga Central YMA hma lo lak tawh dan leh kawng hrang hranga Zoram dinhmun Powerpoint Presentation hmangin a sawifiah a. Mizo nula khawvel tlang sang ber Mt.Everest lawn tur Lalrintluangi hnenah ngaihhruina leh Mt.Everest tlangchhipa dah tur YMA flag hlan a ni bawk.