Aizawl: Central YMA Executive Committee meeting ni 25.5.2018 (Zirtawpni) chawhnu dar 2:00 neih chuan Indian Medical Association (IMA)-in mipuiten hriselna tha zawk an neih theih nana YMA-te thawhho puia an sawmna chu tha an ti a, MOU ziahpui nise an ti. CEC meeting hi President Vanlalruata chuan a kaihruai a, an thurel pawimawh zingah kum 2018-a HSLC leh HSSLC Top 10 chinte Central YMA hminga chawimawina hlan ni se, a hun atan June 1, 2018 chawhnu dar 2:00 nise, Central YMA Hall-ah programme hi hman nise an ti a. Hei bakah Tourism Deptt. nen thawkhoin Training of Trainers on Tourism Awareness Campaign ni 8.6.2018 hian CEC leh Aizawl khawpui chhung Branch aiawh mi 2 theuh tan Central YMA Hall-ah neih nise. Drama Competition pawh July 10-20, 2018 chhungin neih ni bawk sean ti bakah YMA Day hmanpui tura Branch hrang hrangin Central YMA hruaitute an sawmna chu a remchan dan anga hmanpui nise. YMA Day-ah hian thing phun leh ni se, tul angin OB te leh Science & Environment Sub-Committee ten lo buaipui se an ti bawk.